• 回水,死开啦

    2009-04-03 | Tag:是但噏 方大同

    版权声明:转载时请以超链接形式标明文章原始出处和作者信息及本声明
    http://www.blogbus.com/anotherness-logs/37446502.html

    其实真系唔系好想甘粗俗,但今晚场show真系雷人。夜妈妈都要开电脑来妈叉一番。当晚我讲得最多的两句说话:回水,死开啦!尼场show正确的名称叫做:“方大同橙月慈善音乐会”。

    7点半梁球琚外面已经有保安用大声公大叫仲有十分钟就唔再检票关门啦。根据我睇show甘多年经验来讲,话就话7点半开始,例迟嘎啦,点知真系“hea”到八点先开始。算数,无所谓,开始就得了。点知开始来左队街舞!如果唔系睇到场上面大大个方大同的海报,我真系以为自己入错场。好唔容易等到方大同出场,不过跟住有个主持人都出来,系大同身边不断讲烂gag,搞到大同都唔知道点跟。好唔容易等到大同可以唱翻首歌了,点知唱完她又出来,继续讲烂gag,玩游戏。大佬,尼场也叫“音乐会”阿,唔系“歌迷见面会”“联欢晚会”阿。一场音乐会点会搞成甘啊?其实尼个女人同方大同讲也的期间,明显见到大同系好想马上唱歌的,点知又比她扯来玩无聊问答游戏,其实方大同根本无准备要问歌迷的问题,最后无计要问“我今晚食左饭定意粉?”“我今朝饮水定苹果汁?”老实讲:阿主持,我地真系唔系好想知道啊。整个音乐会充斥住问答游戏、烂gag、街舞、抽奖(内定的,员工及其家属系唔系应该唔好参加抽奖以示公允呢?),后来个个细路弹钢琴无可厚非,他特殊的身份能弹出一手好的钢琴,我都报以热烈的掌声。但问答游戏我地可以睇奖门人;听烂gag可以听林海峰或者“家好月圆”的荷妈;睇街舞可以睇“星空舞状元”;抽奖可以参加自己公司的End New Dinner。老实讲,我地真系来听方大同唱歌的!最后方大同最终只系唱左五首歌。“回水,死开啦”系我讲得最多的一句说话。

    尼个梁球琚礼堂我睇过陈绮贞,睇过林一峰,同样都系实力派的音乐唱作人,音乐会就系音乐会,根本唔会好似今晚甘。最后唯一可以安慰自己的就系:算啦,你当你的钱捐了出去啦。

    分享到:

    历史上的今天: